مؤلف «طايع» بعد الهجوم عليه: «تابعوا المسلسل لآخر يوم وبعدها نتحاسب»
أحمد داش: فوجئت بردود الأفعال على مشهد قتلي في «طايع»
وكتب "دياب" قائلًا: "تحذير حرق لأحداث حصلت في مسلسل طايع، من ساعة حلقة فواز وبعدها مهجة، والناس تعليقاتها تحولت لمظاهرة عاوزة تشوف دم وانتقام، حتى الصديق الرومانسي الموهوب تامر حبيب كتب أنه عاوز يشوف كل ولاد حربي ميتين قبله، الانتقام غريزة طبيعية وتقريبا معروف دراميا إن أي تيمة انتقام بتنجح، بس احنا كصناع "طايع" شايفين التار ده لعنة، ومكانش ممكن يكون اختيارنا شعبوي، فكان لازم يكون طريق الانتقام مفروش بشوك، وله ثمن كبير".
وتابع "دياب" قائلًا: "كان هيبقى مرضي للناس أكتر بكتير لو حد تاني من ولاد حربي اللي مات امبارح ومكنتش موجة الغضب دي هتحصل بس هي مقصودة عشان كل اللي اتجروا مع الشخصيات، وتملكهم الغضب يعرفوا ويحسوا الشخص اللي بيسيب نفسه للانتقام بيحصله إيه، التار والانتقام أفكار مدمرة، والتعامل معاها لازم يبقى حساس وبطريقة متبقاش جماهيرية وبس، تابعوا طايع لآخر يوم وبعدها نبقى نتحاسب".
مسلسل "طايع" بطولة عمرو يوسف، وعمرو عبد الجليل، وصبا مبارك، وأحمد داش، وسهير المرشدي، وأحمد عبد الله محمود، ويحقق المسلسل نجاحًا كبيرًا وردود أفعال واسعة حتى الآن.
جميع الحقوق محفوظة لمصدر الخبر فيتو وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري
