اخبار السياسه حلا شيحة تتبرأ من «أحضان تامر حسني»: أنا تبت ودا ميرضيش ربنا

هاجمت الفنانة حلا شيحة الفنان تامر حسني وصناع فيلم «مش أنا»، وذلك بعد طرح أغنية «بحبك» التي تم تقديمها في الفيلم عبر قناته الرسمية على «يوتيوب»، والتي ضمت بعض مشاهد متفرقة تجمعها بالفنان تامر حسني.

وكتب شيحة في منشور عبر حسابها على «إنستجرام»، «أنا اتفاجئت جدا بنزول كليب يجمع مشاهد متفرقة من الفيلم في أيام ذي الحجة المباركة وخصوصا بعد آخر بوست نزلته وضحت فيه أنا إيه، واتفاجئت أكثر خصوصا بعد وعد تامر حسني ليا وتأكيده أنه هيحترم رغبتي وبعض الطلبات اللي طلبتها منه بكل احترام وود الصيف اللي فات، وأكدلي أنه هيحترم رغبتي».

حلا شيحة: الكليب ميرضيش ربنا وعيطت وأنا بتفرج عليه

وتابعت: «انا عارفة ومتأكدة أن زملائي جواهم خير بس للأسف فتنة الشهرة والنجاح مش بتخلينا نشوف».وأكدت أنها شعرت بالحزن بسبب الكليب الذي وصفته بـ «ميرضيش ربنا»، متابعة: «بتكلم من قلبي الكليب ده ميرضيش ربنا.. وأنا عيطت لأني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط، أنا مش هتكسف أنا تبت من المشاهد دي وهي لا تصح وأنا غلطت وبصلح، والفن اللي بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن».

حلا شيحة: انا تبت من المشاهد دي واستغفرت ربنا واتمنى يكون راضي عني

ووجهت رسالة لتامر حسنى: قالة: «الفيلم عمل ايرادات ونجح بمقاييس الدنيا، بس لم ينجح بمقاييس الاخرة، استغفر ربنا يا تامر وتوب عن اللي انت فيه وافتكر لما قولت انا عايز اموت وانا مش مطرب».

حققت أغنية بحبك لتامر حسني من فيلم مش أنا، نجاحًا كبيرًا على مدار الساعات الماضية التي تلت طرحها للمرة الأولى عبر القناة الرسمية للفنان تامر حسني على «يوتيوب»، حيث حققت خلال 48 ساعة أكثر من مليون  ونصف مشاهدة.