اخبار السياسه وزير الري: جاهزون لحدوث الملء الثاني للسد الإثيوبي.. «بس مش مطمنين»

قال الدكتور محمد عبدالعاطي، وزير الموارد المائية والري، إن مصر جاهزة لحدوث ملء ثاني في السد الأثيوبي، «أنا جاهز بس مش مطمن، لو اطمنت مش هشتغل، لو اطمنيت الناس هترحرح ومش هتاخد الموضوع بجد، يبقى أحنا جاهزين ومش مطمنين يعني شغالين على أطراف صوبعنا».

وأضاف «عبدالعاطي»، خلال حواره في برنامج «الحكاية»، مع الإعلامي عمرو أديب، على شاشة «إم بي سي مصر»، أن مصر قامت بتخفيض مساحات زراعة الأرز والموز والقصب، وتبطين ترع وري حديث وذكي على 3 مستويات، وهم مستوى الترع ومستوى المسقة ومستوى الحقل، فضلا عن الري بالتنقيط.

وأوضح وزير الموارد المائية والري، أن الري الذكي هو عبارة عن وضع مؤشر للمزارع يوضح نسبة الرطوبة في التربة، «يعرف يروي دلوقتي ولا لأ»، مناشدًا الإعلامي: «هات الفلاحين نفسهم يتكلموا عن الري الحديث وازاي ابتكروا فيه وأنتجوا منه وزودوا إنتاجهم بنسبة 40% بسماد أقل ومياه أقل وبتكلفة عمالة أقل».

وتابع: «فيه فلاحين بتصدر المنتجات لأوروبا، هما الأقدر يتكلموا عن تجربتهم، وفيه فلاحين بيصدروا منتجاتهم لليابان».