اخبار السياسه بريد الوطن.. ضلمتين

إحساسك إنك شفت لون

وإن اللى فوق خَدّك عيون

مش ضلمتين

إحساس سجود

مابيملهوش غير السكوت

بين ركعتين

بس السكوت جوه السجود

مدووش أنين

فيه فضفضة تِملا الفضا

فيه ضمتين!!

عارف تميز ألف لون

عن ألف لون

إزاى بتِجمع بين لونين؟!

ودا مين ومين!!

بتشوف، تحاسب،

شايف رجلك دايسة فين

كشاف ف وشك من سنين

مش بس واحد.. كشافين

                                                          محمد خميس 

يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com