قال الرئيس عبد الفتاح السيسي، إننا في حرب بالفعل، نحشد لها آلاف الجنود على مدى 40 شهرا، لكن لا نريد أن يعيش المواطنون أجواء الحرب مثل ما كان يحدث في 67 أو 73، وذلك لاعتبارات معينة.
وأضاف السيسي، خلال لقائه مع شباب البرنامج الرئاسي أمس، "إحنا في مواجهة كبيرة قوي ممتدة من 40 شهرا، كتير منكم ما عاشش مناخ الحرب زي أيام 67 و73، لما كان مافيش كلام على لسان الدولة غير عن الحرب، والسينما عن الحرب، إلقاء الضوء كله على الحرب، إحنا ما عملناش كده لأسباب كتير وظروف كتير اتغيرت، لكن إحنا بالفعل دولة بتحارب وكتير بيدفع التمن مننا ومالهمش ذنب".
وتابع: "الفترة اللي فاتت شهدت اجتماعات مكثفة بيني وبين الجيش والشرطة عشان الأمن مش في سينا بس في مصر كلها، انت مش متصور تأمين مصر اللي مساحتها مليون كيلو متر مربع، وتأمين حدودنا 1200 كيلو متر محتاجة مجهود وتكاليف قد ايه، كل يوم نسمع عن ضبط عربيات دفع رباعي محملة بالأسلحة، حد عرف اتكلفنا قد ايه عشان نحمي الحدود، ما حدش عارف كام واحد مش بينام عشان يسهر يحمي مصر، وبيروح أماكن ما دخلهاش بشر، ماحدش عارف بيعيشوا إزاي ولا بياكلوا إيه عشان يقدروا يقوموا بمهمتهم".
جميع الحقوق محفوظة لمصدر الخبر الوطن وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري