اخبار السياسه عامل دليفري لـ«السيسي»: نفسي مدفعش إيجار.. والرئيس يرد: هنعملك كل حاجة حلوة

توقف الرئيس عبدالفتاح السيسي، أثناء تفقده أعمال التوسعة ورفع كفاءة الطريق الدائري من شرق القاهرة حتى منطقة الخصوص، للحديث مع أحد المواطنين، الذي أخبره بأنه عامل دليفري في صيدلية.

وسأل الرئيس السيسي، المواطن عن أحواله فأجابه أنه يعمل «دليفري» في صيدلية، ولديه ثلاثة أطفال وهم تمارا وعدي ومحمود، ويعيش في شقة بالإيجار في منطقة الخصوص، قيمتها 600 جنيه.

حديث الرئيس السيسي مع أحد المواطنين

وقال المواطن للرئيس: «أنا نفسي أطمن على معاليك.. أقسم بالله وانت بتخطب الخطبة وأنت وزير دفاع كنت بقعد أبكي بالدموع، وأنا الحمد لله بحمد ربنا».

بينما سأله الرئيس: «عايزني أعملك إية؟»، فرد عليه المواطن: «مقدرش أقولك غير إني عايز أشوفك أحسن الناس»، ليرد الرئيس: «وأنا تحت أمرك»، فأجابه عامل الدليفري: «أنا أمنية حياتي مدفعش إيجار نفسي في شقة، وورشة أفتحها عشان ابني من المحلات اللي هي بتبقى تحت الكوبري دي، وأدفع إيجار زيي زي أي حد».

الرئيس يستجيب لطلب عامل دليفري

وأجابه الرئيس قائلًا: «إن شاء الله هنعملك كل حاجة حلوة، وخلي بالك من ولادك»، فرد المواطن: «ربنا يخليك وربنا يعينك علينا، ويسترك دايما، وربنا يحميك ياريس».