اخبار السياسه حمو بيكا: أنا «نمبر وان» الحقيقي في مصر وأشطر من محمد رمضان

قال مغني المهرجانات الشعبية حمو بيكا، إنه مطرب المهرجانات الأهم في مصر حاليا، مضيفًا: «أنا صانع البهجة والابتسامة على وجوه الناس، أما ثاني أهم مطرب مهرجانات بعدي هو نور التوت»، كما تحدث عن الفنان محمد رمضان وأكد أن نصف مشاهدات أغنياته عبر منصة الفيديوهات الشهيرة «يوتيوب» مزيفة.

أرقامي أعلى من محمد رمضان

وأبدى بيكا خلال تصريحات تلفزيونية، رأيه في الفنان محمد رمضان، قائلًا: «محمد رمضان كمغني بيأدي كويس، ومش بالصوت بس هو مؤدي شاطر، وأنا أشطر منه في الأغاني وبعمل أرقام أعلى منه».

قناته فيها 15 مليون مشترك بسبب التمثيل

وتابع: «محدش يكلمني عن واحد عنده على قناته 15 مليون مشترك، واستخدم الفانز بتاع التمثيل للغناء، لكن خليه يجيب قناة من الصفر وخليه ينزل عليها أغنية، وأنا أجيب قناة من الصفر وأنزل عليها أغنية، وهنا نقدر نحكم.. رمضان مش هيكسب، لأنه بيمول أغنيته بفلوس عشان توصل للتريند على يوتيوب، لكن أنا مش بمول بفلوس، أما هو بيعمل إعلانات على الأغنية ودي حاجة مش شرعية».

وأوضح: «الشرعي لما ننزل الأغنية لوحدها من غير ما نصرف عليها دعاية وإعلان، وأنا ممكن أعمل سبونسر وده مش صح، وفيه أرقام fake، ونص مشاهدات أغاني محمد رمضان fake».