8 تصريحات لـ حلا شيحة أثارت الجدل: «الفن اللي يخلينا بعيد عن منهج ربنا باطل»
شهدت التصريحات الأخيرة للفنانة حلا شيحة حالة من الهجوم على مواقع التواصل الاجتماعي، وذلك بعدما أعلنت تبرأها من فيلم «مش أنا»، وكليب أغنية «بحبك»، وهاجمت الفنان تامر حسني بعد قيامه بطرح الأغنية عبر قناته على «يوتيوب».
وجاءت تصريحات حلا شيحة بعد يومين من طرح كليب أغنية «بحبك»، الذي يضم مشاهد متفرقة من الفيلم، والذي حقق مشاهدات تجاوزت مليون ونصف المليون مشاهدة منذ طرحه.
وجاءت تصريحات حلا شيحة عبر حسابها على «إنستجرام» كالتالي:
- تفاجأت بطرح كليب «بحبك» الذي يجمع مشاهد متفرقة من الفيلم، وفي أيام ذي الحجة المباركة، بعد وعد تامر حسني لي وتأكيده احترام رغبتي.
- يمكن نكون نجحنا بمقاييس الدنيا، ولكن بمقاييس ربنا نحن لم ولن ننجح.
- أنا متأكدة أن زملائي «جواهم خير بس للأسف فتنة الشهرة والنجاح مش بتخلينا نشوف ونقيس الأمور صح».
- من قلبي كليب «بحبك» ميرضيش ربنا، وأنا عيطت لأني شفت نفسي في المشاهد دي، وده كان زلة نتيجة ظروف مريت بيها وكلنا بنغلط.
حلا شيحة تتبرأ من «مش أنا»: أنا تبت ودا ميرضيش ربنا
- أنا توبت عن المشاهد دي، وهي لا تصح، وأنا غلطت وبصلح، أهم حاجة إن ربنا يرضى عني لأن في الآخرة اللي هينفعنا مش الشهرة ولا النجاح، وهو أصلا مش نجاح لأن النجاح الحقيقي حاجة تانية خالص أغلبنا ناسينه إلا القليلين مننا.
- الفن لو بيخلينا نبعد عن منهج ربنا ومنبقاش قدوة لأولادنا يبقي باطل ومش فن.
حلا شيحة لـ تامر حسني: «فاكر لما قولت مش عايز أموت مطرب»
- وفي حديثها لـ تامر حسني، قالت حلا شيحة: «أحب أفكرك بالفيديو ده يا تامر اللي قولت فيه أنا مش بتمنى أموت وأنا مطرب، أنا دايما خايف من كده، كلام أكيد قولته في لحظة صدق جواك وجوانا كلنا، شوفه تاني يمكن يفكرك إنك جواك أكيد في صراع، وأنا وكلنا بنغلط بس المهم في الآخر نتدارك الغلط ونصلح».
- لو أصواتنا ومواهبنا كلها نستعملها في الخير عشان يبقي فن بجد.
جميع الحقوق محفوظة لمصدر الخبر الوطن وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري
