واحدة صرفت فلوس من ورا جوزها.. 11 تصريحا لشريف مدكور عن أزمة «السلفة»
كشف الإعلامي شريف مدكور، سبب رفضه التام التجاوب وتقديم المساعدة إلى أفراد يطلبون الأموال منه عبر مواقع التواصل الاجتماعي على سبيل «السُلفة»، وذلك خلال مداخلة هاتفية في برنامج «الحكاية»، مع الإعلامي عمرو أديب، على شاشة «إم بي سي مصر»، وتستعرض «الوطن»، أبرز تصريحات شريف مدكور خلال المداخلة:-
- مش أول مرة أكتب بوست زي ده، كل سنة بكتبه، عشان بيجيلي رسائل يومية من ناس مختلفة تطلب أموالًا.
- واحدة تبعت تقولي مساء الخير يا أستاذ شريف بعد إذنك عاوزه استلف منك 100 ألف جنيه عشان اشتريت حاجات وجوزي ميعرفش وعليا ديون، ادهملي وأنا هدهملك بعد سنة.
- يتخض من هذه الرسائل ويكون الرد عليها «لا يا فندم بعتذر لحضرتك»، لكنه يجد الرد عليه «ليه لأ، ما انتوا بتقبضوا ملايين قد كده».
- شخص آخر أرسل له رسالة يقول فيها «أنا اشتريت موبيل بس عشان مفيش شغل من 4 شهور مش قادر ادفع القسط بتاعه وعاوز 6 آلاف جنيه».
- كتب هذا البوست من أجل أن تعكف الناس عن تلك الطريقة، ووجد هجوما غير طبيعي من الكثيرين، «رغم أن الناس دي لا من عائلتي ولا من أصدقائي في العمل ولا زملائي».
- دول لو مزنوقين هسلفهم، إنما دي ناس معرفهاش، وبعدين إيه بتقبضوا بالملايين فسلفونا دي، الأمر غريب».
- « ناس قالت ما الناس دعيت لك وأنت عيان ما تسلفهم، مش عارف ليه دخلوا الأمور في بعض، مش قادر استوعب، أنا شخصيًا وأنا عيان مطلبتش من حد يدعيلي».
- طلعت قولت حالتي الصحية، بس مستعطفتش الناس وقولتلهم ادعولي، ومش هعمل كده، الناس كده بتطلب بطريقة فجة، الموضوع كبر قولت اكتب البوست ده عشان محدش يبعت لي، ولسه بيبعتوا حتى بعد ما كتبت البوست.
- حال عرض عليه حالة صحية لمريض لا يستطيع العلاج أو أسرة لا تستطيع دفع مصروفات المدارس قد يتدخل.
- «ممكن حالات نعرف المستشفى فين أو المدرسة فين نروح ندفع، بس بلاقي الناس تقول لأ حولي على حسابي، الموضوع بقى غريب».
- طمأن الجميع على حالته الصحية: «أنا زي الفل يا أستاذ عمرو».
جميع الحقوق محفوظة لمصدر الخبر الوطن وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري
