اخبار السياسه مدحت العدل لـ إيناس الدغيدي: أسئلتك خبيثة ومصر مفيهاش 70 مليون أهلاوي

رفض السيناريست مدحت العدل، الرد على تصريحات المطرب الشعبي سعد الصغير، الذي طالب «العدل» بالتبرع لنادي الزمالك بالأموال، وقال «سعد» فيها: «أهلي مين اللي انت عمال تقطع فيه، إنت راجل موجود على الساحة من 25 سنة، ماتعرفتش ولا اتشهرت غير لما هاجمت الأهلي وأعربت عن حبك للزمالك، واتكلمت عن الزمالك، طب ما الزمالك دلوقتي في أزمة، أتبرع له بقى»، فيما رد مدحت العدل: « أنا أكبر من أني أرد على الكلام الخايب ده.. كلام دمه تقيل».

وتحدث «العدل»، خلال حواره في برنامج «شيخ الحارة والجريئة»، مع المخرجة إيناس الدغيدي، على شاشة «القاهرة والناس»، عن المحادثة الشهيرة التي تسربت له أثناء حديثة مع عمرو الجنايني رئيس اتحاد الكرة المصري سابقا، وقال: «معرفش مين اللي سرب الفويس دي، وبعدين دي مش مكالمة، ده فويس، والجنايني صاحبي جدا، ومش أول مرة ولا آخر مرة أكلمه، ده أنا بكلمه دايما، وبسأله عن أولاده وهو بيكلمني ويسألني عن الأسرة، ومش بعيد تكون اتسربت منه».

فيما حاولت إيناس الدغيدي، إيقاع مدحت العدل، في خطأ مع جمهور الأهلي، حينما سألته عن سبب كرهه للأهلي، فرد قائلا: «أسئلتك خبيثة، الزمالك وهو ضعيف السنة اللي فاتت أخذ الكونفدرالية، والسوبر المصري وكسب الترجي وكسب الأهلي، ده أفضل فريق في إفريقيا، وهذا أمر حقيقي، لكن الإعلام يقول ويصدر إن الأهلي ليه 70 مليون مشجع، وهذا الرقم يُترجم لأموال من خلال الإعلانات والمعلنين والممولين، لكن هذا الرقم غير صحيح».