اخبار السياسه 11 رسالة من للطلاب وأولياء الأمور: اتطمنوا وسيبوا العيش لخبازه

11 رسالة من للطلاب وأولياء الأمور: اتطمنوا وسيبوا العيش لخبازه

وجه الدكتور طارق شوقي، وزير التربية والتعليم والتعليم الفني، عدة رسائل لأولياء الأمور والطلاب بمناسبة بدء الامتحانات التجريبية للثانوية العامة، وذلك في تصريحات تلفزيونية له، وهذه الرسائل نرصدها لكم كما يلي:

1- «الثانوية العامة بتمثل بعبع في مصر وأحنا بنحاول نغير هذا المفهوم بشدة وماشيين في ذلك الطريق، في الوقت اللي دول العالم كلها الدراسة متعثرة، إلا أنه فى مصر احنا بنعمل امتحان تجريبي بدأناه النهاردة وكمان مستمر الثلاثاء والخميس».

2- «أي حد يدخل الامتحان النهائي اللي هيبدأ 4 يوليو مفيش طالب هيدخل اللجنة ومش هيطلع إلا وهو ممتحن وواخد فرصته العادلة زي زملائه أيًا كان طريقة الامتحان وياريت الناس متشتغلش نفسها بالتفاصيل ويتركوا ده لينا».

وزير التعليم: هذا العام يشهد 6 امتحانات ثانوية «3 تجريبي و 3 حقيقي»

3- رسالة لأولياء الأمور: «أنا بطمنهم تماما أن أي طالب داخل ثانوية عامة كل المطلوب منه دلوقتي يحضر ويركز على التحضير وميشغلش باله ولا نعمل الهيصة دي على أمور فنية، أحنا بنتعامل معاها مش احنا لوحدنا ومعانا وزارة الاتصالات وأجهزة سيادية وجيش من المهندسين والهدف من تجربة الامتحان التجريبي هدف تقني بحت وطبعا مش كل حاجة بنقولها».

4- قرار توقف الدراسة حال زيادة أعداد مصابي كورونا في مصر، ليس قرار فردى وإنما يتم بعد مناقشات داخل اللجنة العليا لإدارة أزمة «كورونا»: «القرارات اللي زي دي مبناخدهاش كأفراد وأحنا في اللجنة العليا لإدارة أزمة كورونا نناقش كل الأمور مثل التعليم والصحة والنقل والكافيهات والمطاعم، وهنشوف طبعا اللي هيتعرض علينا من وزيرة الصحة، ومستشار الرئيس والأجهزة السيادية وفي ضوئه بناخد قرار جماعي».

وزير التعليم عن الامتحان التجريبي: ياريت الناس متشغلش نفسها بالتفاصيل

5- «أحنا في وزارة التربية والتعليم بنحاول نوازن بين ده وبين أن احنا منحرمش الأولاد من السنة برضه زي ما قدرنا نعمل السنة اللي فاتت واحنا في وضع كويس واحنا عملنا لسنوات النقل امتحان الترم الأول وعملنا امتحان آخر مارس وفيه امتحان الأسبوع الجاي أخر إبريل الحالى وطلاب الشهادة لهم امتحان في آخر إبريل وامتحان في آخر مايو وفي ضوء تصاعد أرقام كورونا هنقرر الامتحانين دول هيمشوا في مواعيدهم ولا هنغيرهم».

6- «المسألة تحت السيطرة ومفيش حضور إجباري فمعندناش مشكلة كبيرة مع الشهادات وهي اللي تهمنا قوي عشان كده بنجاول نأدي الدور ده في الشهادات على الأقل».

7- «بنطمن الناس إن الأمور هتمشي على ما يرام وكله هيعدي السنة على خير بإذن الله».

بعد رفض الشيوخ.. شوقي: لا علاقة بين شكل الامتحان وقانون التعليم

8- «يوم التلات هنقفل الخوادم الشرايح وهنستخدم بس الفايبر اللي في المدرسة واللي معندوش فايبر في مدرسة ومعندوش سيرفر ميروحش يوم التلات والباقي كله يروح لأننا عاوزين نعرف مدى سعة الفايبر كافية ولا لأ، وده يشرح أحنا بنحاول نعمل إيه».

9- «لو بس نسيب العيش لخبازه والولاد تحضر وتذاكر على الأسئلة اللي معتادين عليها وهيشوفوها في مايو ويوم ما يدخلوا في 4 يوليو هيمتحن الطالب بكل الأشكال الممكنة، ودي مسئولية الوزارة لأي طالب يدخل الثانوية العامة وعشان كده بنعمل كل الامتحانات التجريبية وعلى إثرها بناخد القرار مجتمعين».

شوقي عن إمكانية توقف الدراسة حال زيادة إصابات كورونا: «بقرار جماعى» 

10- هذا العام سيكون أول مرة لعمل فرصة أخرى لتحسين المجموع في أغسطس، وهذا العام يشهد 6 امتحانات ثانوية عامة، 3 منهم تجريبي و3 بشكل حقيقي، وده جهد كبير تبذله الوزارة.

11- «أسهل حاجة نعملها نرجع للقديم مرة واحدة وأحنا بنعمل كل ده عشان مصر تتمكن من هذه التكنولوجيا والحاجة دي تخدم ولادنا في الثانوية العامة واللي جايين وراهم ولازم نتعاون مع بعض ونعرف أن نسبة الحضور في الامتحانات التجريبية كانت 97% والأرقام اللي بنجمعها دلوقتي هنعلنها يوم الخميس بمنتهي الشفافية رغم أنها فنية جدا بس عشان نطمن الناس».

شوقى يكشف تفاصيل الـ«3 امتحانات التجريبية»: هدفنا تجربة الأمور الفنية 

جميع الحقوق محفوظة لمصدر الخبر الوطن وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

السابق اخبار السياسه «الكاشف» عن سيكولوجية الضابط الخائن في «الاختيار»: لديه مراهقة دينية
التالى اخبار السياسه ريهام سعيد تنتقد إنجي وجدان: بتصحى عاوزه تركب التريند