اخبار السياسه أحمد فهمي: «هنا» بتغير من الكلبة وبتقولي دي هتكون سبب طلاقنا

أحمد فهمي: «هنا» بتغير من الكلبة وبتقولي دي هتكون سبب طلاقنا

روى الفنان أحمد فهمي بعض المواقف الكوميدية مع زوجته الفنانة هنا الزاهد قائلا: «أنا بحب الكلاب جدا وده سبب الخناقات بيني وبين مراتي هنا الزاهد وهى ليها شخصية قوية جدا، وهي في البيت مسيطرة وبتزعل أني بهتم بالكلاب وبالذات الكلبة زيزى وبدلعها كتير فبتضايق وتقعد تعيط وقالتلى الكلبة دى هتكون سبب طلاقنا». 

وأضاف «فهمى»، في حديثه ببرنامج «يوم ليك»، المذاع على شاشة قناة «الحياة»، وتقدمه الإعلامية سمر يسري: «هنا بتغيرعليا أكتر بكتير منى، ودائما تكلمنى فيديو كول وبتغير من المعجبات، وأكتر موقف اتضايقت منه كنا في الخطوبة وقاعدين في مطعم وست كبيرة قالتلها ليه ده بتاع بنات واتجوز أكتر من مرة سيبيه، وقتها لم أرد عليها واحترمت السن الكبير للسيدة».

واسترجع ذكريات شبابه والمشاجرات التي خاضها في فترة الجامعة، وأدت إلى كسر فى أسنانه، فيما تحدث عن حبه للكلاب وسبب غيرة زوجته النجمة هنا الزاهد منها، «كنت بلعب كورة أول سنّتين من أسناني اتكسروا، وأنا في الجامعة اتخانقت خناقة كبيرة في سوبر ماركت بسبب مرة كنت في شارع شهاب مع صاحبي وكان فيه بنتين حلوين واقفين وعربيتهم عطلانه المهم سعدناهم أنا وصاحبى وكانت الساعة 2 بليل ودخلوا سوبر ماركت دخلنا وراهم وكلمناهم، بعدها جالنا مدير السوبر ماركت وزعق لنا وقلبت خناقة، وأسنانى اتكسرت وهما كانوا 9 وإحنا كنا اتنين بس».

وعن علاقته بالسوشيال ميديا: «كنت على طول بشتم اللى بيشتمنى على إنستجرام، ومن سنتين شتمت حد على إنستجرام، واتقفل الحساب شوية، لكن دلوقتى هديت كتير، عشان العصبية كانت بتاخد من طاقتى، أنا مبردش غير على قلة الأدب وليس النقد، ومرة أحمد السقا قالى لازم تهدى شوية، وحكالى على قصة الولد اللى شتم والدته على حسابه وراح جابه من بيته وبعد كده سابه والولد اعتذر له».

جميع الحقوق محفوظة لمصدر الخبر الوطن وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

السابق اخبار السياسه سيولة في محور 26 يوليو.. تعرف على الحالة المروية بـ 4 محافظات
التالى اخبار السياسه الإنسانية قبل القانون.. النقيب «رمضان» يحمل حقائب سيدة مسنة: واجبي