الصاوي: قولت لمراتي إحنا عاملين «قافلة» ولما سافرنا إسبانيا الغابات اتحرقت
قال الفنان خالد الصاوي إنه تزوج في الوقت المناسب من حياته، «مراتي جاتلي في الوقت اللي أقدر فيه التزم، كل حاجة في حياتي جت صح، إلا الحاجات اللي أنا عاملها، حسيت أن فيه حاجات متحوشالي بعدين، الشهرة والنجاح والفلوس والزوجة الصالحة، كل دة جالي في الوقت المناسب».
وأضاف «الصاوي»، خلال لقاء ببرنامج «سهرانين»، المذاع على شاشة قناة «on»، ويقدمه الفنان أمير كرارة: «لو كنت قابلت مراتي زمان كنت هبوظ الدنيا، مكنتش هعرف أحافظ عليها، ولو جاتلي الفلوس أو الشهر زمان أو أي حاجة كنت هضيعها بردو، أنا آه بضيع دلوقتي بس مش زي زمان».
وواصل: «مراتي وشها حلو عليا، وأظن أن نفس الشيء بالنسبة لها، أظن مش متأكد، بس احنا الاتنين جات لنا 5 أو 6 سنين كنا نسافر بلد يحصل لنا حاجة، أقولها إحنا عاملين قفلة، فتقولي متقولش علينا كده، لما روحنا إسبانيا الغابات اتحرقت، البلد التانية جالها زلزال، أنا مصدق ان أحنا بنعمل قفلة».
يذكر أن الفنان خالد الصاوي يشارك في بطولة مسلسل «القاهرة: كابول» المقرر عرضه في رمضان المقبل، والذي أوشك على الانتهاء من تصوير دوره فيه، مؤكداً أن العمل يتعرض لظاهرة الإرهاب التي استشرت في مجتمعاتنا العربية خلال الأعوام الأخيرة، بحسب قوله.
ويشارك في بطولة «القاهرة: كابول» طارق لطفي، فتحي عبدالوهاب، حنان مطاوع، نبيل الحلفاوي، معتز هشام، حسني شتا، خالد كمال، كريم سرور وكوكبة من النجوم، من تأليف عبدالرحيم كمال وإخراج حسام علي.اقرأ المزيد:
جميع الحقوق محفوظة لمصدر الخبر الوطن وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري
