اخبار السياسه إنجي علي: لم أقابل طارق العريان في دبي وأصالة حبيبتي وهافرح لو رجعوا

استنكرت الإعلامية إنجي علي، إقحامها في موضوع انفصال طارق العريان، عن الفنانة أصالة، "بدأوا يحشروني في الحاجات بشكل مش لطيف".

وعن إلغاء أصالة لمتابعتها على السوشيال ميديا، قالت "إنجي" بعد انتشار فيديو لقاءها مع الإذاعي مع طارق العريان: "أنا مش بفهم أوي في الحاجات دي، لكن اللي ماسك الصفحة قال لي أصالة عملتلك إلغاء متابعة، ومعرفش ليه، على الرغم إني بحبها جدا وأنا مش هعملها إلغاء متابعة أنا مبعملش الحاجات دي".

وأضافت إنجي علي، خلال حوارها مع المخرجة إيناس الدغيدي، ببرنامج "شيخ الحارة"، المذاع على شاشة "القاهرة والناس"، أنها كانت مدعوة لمهرجان شاهد في دبي، ولكنها لم تستطيع الذهاب والحضور، لأنها كانت مرتبطة بمواعيد ببرنامجها المذاع على الهواء، وبالتحديد حلقة الفنان خالد النبوي، "بعت مسؤول السوشيال ميديا بتاعتي، وعمل لقاءات مع الناس كلها، ومن ضمنهم طارق العريان، ونزلت الفيديوهات كلها، ومن ضمنها فيديو طارق العريان".

وشددت الإعلامية، على أن الشائعة كلها "فشنك"، "صوت مسؤول السوشيال بتاعي ظاهر في الفيديو، وأنا لا سافرت ولا قابلته"، نافية أنها حاولت الإصلاح بينهما، حتى لو كانا أصدقاء لأنه يوجد حدود للعلاقات، بحسب تصريحاتها.

وأكدت إنجي علي، أنها تكن كل الاحترام والتقدير لطارق العريان وأصالة، سواء انفصلا أو أكملا، "لو سمعت إنهم رجعوا تاني هفرح، لأنه بينهم ولاد، والطلاق حاجة تقيلة لو فيه ولاد".