اخبار السياسه "إسحاق" يكشف لقب مجدي يعقوب بين تلاميذه الأطباء في مركز أسوان

"إسحاق" يكشف لقب مجدي يعقوب بين تلاميذه الأطباء في مركز أسوان

قال الدكتور مجدي إسحاق، نائب رئيس مجلس أمناء مؤسسة مجدي يعقوب، إن بناء مستشفى مجدي يعقوب الجديد بالقاهرة سيستغرق 3 سنوات بتكلفة 290 مليون دولار، "مبلغ كبير طبعا خاصة وأن في الوقت ذاته عندنا مركز أسوان لجراحات القلب بتتكلف 30 مليون دولار سنويًا، لو حسبناها على 3 سنوات هنلاقي محتاجين كمان 90 مليون غير 290 مليون دولار".

وأضاف "إسحاق"، خلال حواره في برنامج "معكم"، مع الإعلامية منى الشاذلي، على شاشة "cbc": "هي حسبة صعبة، بس إحنا ابتدينا أول خطوة من جمع تبرعات من الخليج وكانت موفقة، وأتعشم أن يكون فيه إعادة لمثل حملات جمع التبرعات من الخليج، بس من ساعة ما ابتدينا في مركز أسوان لجراحات القلب لحد الآن عايشين على تبرعات الشعب المصري".

وأشار نائب رئيس مجلس أمناء مؤسسة مجدي يعقوب، إلى أن مجدي يعقوب جراح القلب العالمي، لدية مقولة شهيرة "مركز أسوان مش بتاعتي ولا القاهرة الجديدة هتكون بتاعتي، دول بتاع الشعب المصري والإنسانية كلها"، موضحًا أن المشوار طويل وهناك قلق لكن ليس بصورة كبيرة، "قلقي مش جامد أوي عشان ثقتي في الشعب المصري كبيرة جدا".

وتابع: "الأطباء بينادوا على مجدي يعقوب في المستشفى بلقب واحد وهو بروفيسور، بيقولوله يا بروف، بس أنا بقى بيقولوا لي يا مجدي عادي، ولو زعلانين مني من حاجة عشان قفلت حنفية الفلوس شوية يندهوا لي بـ يا دكتور إسحاق، ساعتها أعرف إنهم ملويين من حاجة".