اخبار السياسه معاون قطار بالإسكندرية للركاب: "مفيش مواعيد ثابتة".. ومواطنون: بنتعذب

علق معاون قطار بمحطة مصر في الإسكندرية، لافته مُدون عليها عبارة: "كل القطارات متأخرة، مفيش مواعيد ثابتة، لما يجهز قطار بيتم الإذاعه عليه، ومكان رصيفه"، تلك هي اللافتة التي وضعها معاون القطار أمام مكتبه بالمحطة، بعد مشادات بسبب تأخر القطارات عن مواعيدها.

وتداول مستخدمو "فيس بوك"، الصورة، وسط غضب.

وقالت هبه صالح: "مفيش قطار بيطلع في ميعاده، مصالح الناس متعطلة الدنيا كلها تهريج"، ليضيف حمادة قاسم: "أن محطة القطار ليس بها ورقه نضيفه ويتم كتابتها على الكمبيوتر، وبداية البيان لا بد من وجود كلمات نأسف أو نعتذر، لامتصاص غضب الركاب على التأخير، يعني أحجز قطار الساعه 3 يتم وصوله للمحطة الساعة 5، وتعطلونا عن أشغالنا، يرضي مين ده".

وقال علي حسانين إن "سكك حديد مصر لو اشترت قطارات جديدة، وقضبان جديدة، سيظل الإهمال متواجد علشان مفيش ضمير ومفيش نظافة ومفيش صيانة، ومفيش معاقبة للمخطئ، ويبقى تسند الموضوع لشركة أجنبية لإدارة الأعمال علشان تعلمهم الشغل الصح".

وقالت هبة خطاب: "مفيش أسوء من كده، ركبنا القطار المتوجه إلى الإسكندرية من القاهرة وصلنا في 6 ساعات، ده يرضي مين ده علشان نتعذب كل الوقت ده".