هاجم الإعلامي يوسف الحسيني، الحكومة لمطالبتها المستوردين بتخفيض الاستيراد، قائلا: "الحكومة بتقول الحمد لله حققنا الوفرة الدولارية طيب ليه بتقول خفضوا الاستيراد ولما نخفضه عندك منتج بديل".
وقال خلال برنامج "السادة المحترمون" المذاع على فضائية "أون تى في لايف": "الحكومة دي بتهجص في تصريحاتها ومحدش يطلع يقول للناس شدوا الحزام، الناس بتكح بالتيلة وخايفة تكح أحسن يدخل الصيدلية يشتري دواء للكحة".
وأضاف الحسيني: "الآيفون فى مصر بقى بـ18 ألف جنيه، ومحدش يجى يقولى بص على الطوابير اللى كانت رايحة تشترى الآيفون، ده كلام أحمد نظيف، ده كان بيتقال قبل الثورة مينفعش ده يتقال دلوقتىي".
واستطرد: "والله العظيم في ناس بتشتري دواء الكحة وتفضيه في أطباق وتخلي عيالها تغمسه بالعيش على أنه مربى بالعيش المدعم، من الفقر ومحدش يقولى مبيحصلش الناس في مصر شكوتها عزيزة".
جميع الحقوق محفوظة لمصدر الخبر الوطن وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري
