قال الفنان حمدي المرغني، إنه من محافظة السويس وكانت دراسته في جامعة عين شمس، كاشفًا عن أول موقف له أثناء ذهابه إلى الجامعة، مضيفًا: "نزلت محطة عين شمس على تفكير أقاليمي بأن جامعة عين شمس في محطة مترو عين شمس بالمترو".
وأضاف المرغني، خلال حواره في برنامج "معكم"، مع الإعلامية منى الشاذلي ، على قناة " سي بي سي"،: "اللي أغرب من كده بقى إني لما نزلت محطة مترو عين شمس لاقيت طلاب كتير من الفيوم وبنى سويف فاكرين إن فيها الجامعة، وفيه واحد حلف بالطلاق إن جامعة عين شمس في محطة منشية الصدر مش في عين شمس".
وتابع: "ركوبي المترو أول يوم ده كان عامل زي يوم القيامة، كنت واقف في المترو على صابع واحد ومكنتش متعود على الزحمة، وكنت معرفهم في البيت إني هاجي بعد شهر، بس الحمد لله رجعتلهم أول يوم".
جميع الحقوق محفوظة لمصدر الخبر الوطن وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري
