اخبار السياسه محتجز عن "كارثة الإيدز بالسجون": "قالولي حلل باسم تاني عشان يضللوا النيابة"

قال وكيل نيابة الهرم، في الأوراق الرسمية التي كتبها عن التحقيق في "كارثة الإيدز بالسجون": "قُمنا بتنبيه الماثل خارج غرفة التحقيق، وتبين وجود المدعو أحمد محمد عزمى فدعوناه داخلها وبدأنا بسؤاله بالآتى أجاب:

اسمى/ أحمد محمد عزمى عبدالمجيد، 32 سنة، وأعمل راقص فنون شعبية ومقيم بـ6 شارع مصطفى العال من شارع الشهداء أرض اللواء التهديد الجيزة ولا أحمل تحقيق شخصية

(حلف اليمين)

س: ما سبب وجودك بديوان القسم؟

ج: أنا محبوس فى قضية مخدرات.

س: وما الحجز المودع به بالقسم؟

ج: هو حجز حداشر.

س: وهل قمت بإجراء تحليلات مرض الإيدز؟

ج: أيوه أنا حللت بدل من رقم سبعة وسبعين بالكشف.

س: وما تفصيلات إجراءات لتلك التحليلات؟

ج: أنا كنت فى الحجز وبعدين نادوا عليا وقالولى هتنزل تحلل برقم سبعة وسبعين مكان واحد اسمه عصام جمعة ونزلت وحللت ورجعت تانى على الحجز ونزلونى النهاردة والضابط جمال عبدالرازق قالى تنزل بالاسم بتاع إمبارح وتكون حافظه علشان هتتسأل قدام النيابة.

س: متى وأين حدث ذلك؟

ج: أنا حللولى إمبارح 8/3/2016 والنهاردة كنت بتعرض على النيابة فى القسم برضو.

س: ومن الشخص القائم بإخبارك إجراء تلك التحليلات؟

ج: اللى حصل إن اللى اسمه إبراهيم السجان طلعت وكان الضابط أمير بيه موجود والضابط جمال عبدالرازق وأمين شرطة اسمه جمعة كان موجود قدام الدكاترة ولما طلعت الحجز عرفت إنهم نزلونا مكان ناس تانين.

س: وما هو كلام سالف الذكر تحديداً فى تلك الواقعة؟

ج: هما قالولنا تنزلوا تحللوا باسم والرقم دول.

س: ومن الشخص ورقم الذى قمت بالتحليل بدلاً منه؟

ج: هما قالولى رقم سبعة وسبعين واسم عصام البكرى جمعة أو عام جمعة البكرى.

س: وما قصد سالف الذكر تحديداً؟

ج: هما قصدهم أكيد تضليل النيابة؟

س: وكيف تصف على ذلك القصد؟

ج: علشان هما قالولنا على الأسماء قدام الدكاترة وقالوا تقولوا كده قدام النيابة النهارده.

س: ما علاقتك بكلاً من محمد خالد أحمد محمد - شريف سيد عبدالمنعم - محمد إبراهيم عبدالعزيز؟

ج: معرفهومش.

س: وهل نما إلى علمك إصابة أحد من سالفى الذكر بمرض الإيدز؟

ج: أنا عرفت أول إمبارح لما نزلوا حللولنا.

س: هل لديك أقوال أخرى؟

ج: لأ.