اخبار السياسه نجلاء بدر تدعم عارفة عبد الرسول: الإنسانية راحت فين؟

حرصت الفنانة نجلاء بدر على توجيه الدعم للفنانة عارفة عبد الرسول وذلك بعدما اعتذرت من سخريتها على أحد العروض المسرحية عبر صفحتها الخاصة على موقع «فيسبوك».

كتبت الفنانة نجلاء بدر عبر فيسبوك: «كده كتير والله بتتأسفي على نيتك الصافية وخفة دمك، ده أنا اللي فكرت في صحتك وخفت عليكي، الإنسانية راحت فين حاجة تحزن».

نجلاء بدر تدافع عن عارفة عبد الرسول

وجاء تعليق الفنانة نجلاء بدر على منشور كتبته الفنانة عارفة عبد الرسول عبر صفحتها الخاصة على فيسبوك قالت فيه: «أنا حزينة وفي شدهة الألم، عارفين البوست اللى كتبته عن المسرحية المحسودة، والإسهال ومش عارف ايه زملائي زعلوا منه جدا وافتكروا إني بتريق ع المسرحية اللي لسه ماشوفتهاش».

واعتذرت الفنانة عارفة عبد الرسول عما بدر منها حيث قالت: «أنا آسفه جدا حقكم على راسى من فوق، أصلا النية خير ومفيش أبدا اللي يخليني اتكلم وحش عن العرض أنا لسه ماشوفتوش، آسفة بجد أن النكتة أو الإيفيه موصلش بالمعنى اللطيف ووصل بالشكل ده، آسفة وأما آجى احضر حاعتذر لفرد فرد أنا مش حاشيل البوست لسببين ماتعودتش أقول كلمه وأرجع فيها، ثانيا يمكن أصحابى يشوفوه تاني ويحاولوا يلاقوا النكته اللي قلبت غم آسفة في غاية الأسف».

أزمة عارفة عبد الرسول

وجاء اعتذار الفنانة عارفة عبد الرسول على منشور أخر قالت فيه: «عمرى ما اعتقدت فيالحسد عشان ماحطش في بالي واتعب وفي نفس الوقت باحافظ على صحتي النفسيه كمان بحب أصحابي وبحب الناس وطبيعى معظم اصحابى ليهم علاقه بالميديا الاقى صديق يدعونى لعرض مسرحى لو عندى وقت باروح وانا عارفه انى حاتزنق لمده ساعتين فى عرض ممل وطبعا احتفالا بيا بيقعدونى صف أول».