السيسي: «منافسة السوق العقارية العالمية مشوار كبير جدا»
كشف الرئيس عبد الفتاح السيسي، عن نهوض الدولة المصرية في مجال التطوير العقاري، إذ قال « احنا مع المطورين عاملين شكل من أشكال الشراكة، بنقولهم احنا بنوفر لكم أرض وإنت اشتغل واديني حصتي عينيه، وانا مش هبعها قبل ما انت تبيعها، يعني أنا مش هبيع حصة الدولة قبل ما الشركة تبيع حصتها عشان مكونش منافس ليها، ومخليش فيه زيادة من المعروض من الوحدات في السوق».
وأضاف «السيسي»، خلال لقائه بعدد من الإعلاميين على هامش افتتاح مجمع الثروة الحيوانية والألبان في مدينة السادات اليوم: «ساعات نقول لشركات التطوير العقاري بيع الاثنين، وابقى حاسبنا احنا على حصتنا، هذه الأمور حولت الشكل المعيب في ارضنا إلى منشآت ومدن وكل حاجة جميلة، أما أنك تبقى منافس للسوق العقاري العالمي ده مشروع كبير أوي».
وتابع رئيس الجمهورية: «محدش ابدًا هيروح يشتري شقة في مكان المياه بتقطع فيه، والكهرباء بتقطع فيها وزحمة، وده تم القضاء عليه تماما، عشان كده الناس شعرت أن البلد دي بتتغير في كل المجالات، التطوير العقاري قبل كده كان مقتصر على قرى في الساحل الشمالي والبحر الأحمر، بس ده مش مسار عقاري، المواطن عاوز يعيش في مدينة، مش في قرية سياحية مقفوله عليه، وتبقى حلوة ثلاثة أو أربع شهور، وبقيت السنة مفيهاش ناس، كل إنسان عاوز يعيش في مدينة فيها حياة».
جميع الحقوق محفوظة لمصدر الخبر الوطن وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري
