اخبار السياسه السيسي: لجنة من كبار أساتذة الجامعات والمسؤولين تحدد أولويات المشروعات

السيسي: لجنة من كبار أساتذة الجامعات والمسؤولين تحدد أولويات المشروعات

قال الرئيس عبدالفتاح السيسي «اللي بنعمله دلوقتي من زراعة واستصلاح الأراضي اتعمل في مصر على مدار 500 سنة علشان تزرع الأراضي دي في الدلتا القديمة، وجاي عاوز تعمله في 4 أو 5 سنين، دي حكاية كبيرة أوي اللي بتتعمل يا مصريين، من فضلك متحطش رجل على رجل وتتكلم في مشروعات مخدتش حقها من الدراسات بشكل مستفيض من متخصصين واتجمعت في سياق فكري وعلمي وتخطيطي علشان يتم طرحها، يعني متآخدش حتة من ضمن السياق وتسيب الباقي».

الرئيس: هل الناس كان ممكن يتحملوا عدم وجود كهرباء وطرق وترع 14 سنة؟

وأضاف الرئيس خلال افتتاحه مشروع مستقبل مصر اليوم: «سمعت من ضمن الكلام اللي كان بيتقال: كنتو ركزتوا على التعليم الأولوية للتعليم.. وأنا مش جاي أرد دلوقتي، أنا قولت قبل كدا هو أنتو في مصر كان ممكن تأجلوا كل شئ وتخلو الأولوية للتعليم، وهو أمر مهم بس كان هيتحمل الناس في مصر ميكونش في كهرباء وطريق وترعة كويسة وإنتاج غذائي كويس، كنتو هتستحملو ده؟ علشان تعلمو أولادنا على مدى 14 سنة تعليم كويس ويكون كل موارد الدولة المحدودة تبقى في التعليم».

وأكمل الرئيس: «هل المواطن في الشارع كان هيتحمل تبعات ده؟ ده كلام مهم جدا لابد نآخد بالنا منه قبل مانطرحه على الناس ونعلم منه سياق لرأي عام، ونقول الرأي العام أنه في أولويات تانية.

السيسي: اللي اتعمل في مصر خلال الـ7 سنوات اللي فاتت كان فيه توفيق كبير جدا من ربنا

وتابع الرئيس قائلا إن «اللي اتعمل في مصر خلال الـ7 سنوات اللي فاتت كان فيه توفيق كبير جدا من ربنا فيه، واتبنى مش على هوى شخصي والحكومة، ولكن اتعملت لجنة من كبار أساتذة الجامعة ورجال الدولة المعنيين بهذا الأمر تحدد الأولويات وتم وضع تصور على بعضه علشان ننفذه وكل الكلام اللي يتعمل يحقق أهدافه لأنه مكانش ممكن نبني على خطوة يكون تحت منها مفيش أساس ليها».

جميع الحقوق محفوظة لمصدر الخبر الوطن وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

التالى اخبار السياسه حظك اليوم برج الجوزاء الأربعاء 1-6-2022 عاطفيا ومهنيا