قالت سحر نوح ابنة الفنان الراحل محمد نوح إن والدها تمنى قبل وفاته أن يرحل على سرير والدته، وأضافت خلال لقائها ببرنامج معكم مع الإعلامية منى الشاذلى، الليلة، "كان دايمًا بيقول يا رب أرحل في هدوء وسلام وعلى سرير أمى اللى قرر ينام عليه من أول ما رحلت".
وقال لى كمان "وأرحل وأنا معاكى يا سحر يا بنتى" علشان هو شافنى وأنا مع جدتى اللى بعتبرها أمى اللى ربتنى وخدتها في حضنى لحظة رحيلها زى الأم ما بتاخد الطفل في حضنها.
وأضافت "اتحققت أمنيته والأغرب أنه رحل يوم 17 رمضان الساعة 2 وربع صباحًا زى جدتى في نفس الميعاد وصلته لحد السرير وكنا بنتكلم عادى وأول ما وصل للسرير رجع لورا في ثانية في سلام وهدوء واللحظة دى إلى الآن من أصعب اللحظات اللى ممكن تصحينى من عز نومى وكان مفاجأة جدًا لأن عمرى ما تصورت رحيله في اليوم ده وكنت بقول لنفسى دى أكيد نوبة سكر وهيفوق".
جميع الحقوق محفوظة لمصدر الخبر فيتو وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري