علا الشافعي لـ كلمة ربنا: في لحظاتي الصعبة بحس بربنا باعتلي إيد بتطبطب عليا
قالت الكاتبة الصحفية علا الشافعي، رئيس تحرير اليوم السابع خلال استضافتها ببرنامج "كلم ربنا.. مع أحمد الخطيب" على الراديو 90.90، "في كل الأزمات اللى مرت بحياتي، بمشي في الشوارع وبكلم ربنا، دايما أبص للسما وهي مفتوحة علشان أنا متربية في الفلاحين ومتعودة على البراح.. كنت أشكى لربنا وأكلمه، وفي اللحظات دي كنت بحس بشكل مادي ومعنوي بإيد بتطبطب عليا، علشان كدا لما حد يقول لى ربنا هيطبطب عليكي، بكون فاهمة المعني حرفيا".
وأوضحت علا الشافعي خلال البرنامج أنها شديدة الحب لآل البيت وأولياء الله الصالحين، وقالت: "لما بكلم ربنا في أي أزمة كنت حريصة على أني أزور أحبابه، سيدنا الحسين والسيدة زينب والسيدة نفيسة، أصلى ركعتين بحب وأدعي من قلبي في مقامات الصالحين وأبكي بكاء شديدًا بشكل لا إرادي.. ودي عادتي لما أدخل أي مقام لآل البيت أو الصالحين إحساسي بحالة المقام وبقرب صاحبه من ربنا كان بيأثر فيا جدًا".
جميع الحقوق محفوظة لمصدر الخبر اليوم السابع وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري
