هند صبرى: أنا ومنة شلبى كان فى مشاكل بنا ومكناش بنطيق بعض وقالوا عليا "المغتربة"
حلت النجمة التونسية هند صبرى ضيفة في برنامج "معكم" للإعلامية منى الشاذلى، والمذاع على قناة Cbc، وتحدثت هند صبري عن علاقته بالنجمة منة شلبى، قائلة: "لما قدمت منة شلبى أثناء تكريمها وحصولها على جائزة فاتن حمامة في مهرجان القاهرة، الإدارة طلبت منى وأنا قلتلهم ياريت".
وأضافت هند صبري: "أنا ومنة شلبى كان في مشاكل بينا زمان ومكناش بنطيق بعض، بسبب الناس اللى بتوقع بينا، لأن لما بدأنا طلعنا سوا في نفس الوقت زى منى زكى وحنان ترك زمان، وكنا بنسلم على بعض عادى بس بحرص شديد".
وتابعت هند صبري: "لما طلبنا محمد خان كان عاوزنا في فيلم سوا، روحنا له البيت كتعارف وسابنا قاعدين سوا في الصالون وقال رايح أعمل قهوة ومن هنا بدأنا نتكلم سوا وصفينا الموضوع ومن وقتها بقينا أصحاب أكتر بقالنا تقريبا 20 سنة".
واستكملت: "أنا مش وحشة في خصامى، ومعنديش الكيد ولا منة شلبى، وكنا وقتها عيال أوى ومحصلش خصام ولكن زى ما قلت كان في حرص وممكن يكون في قلق بنا وفى منافسة على أفلام وأدوار، ولما كبرنا فهمنا إن مفيش حد لو نجح هيخلى الثانى يخسر حاجة، والوسط الفني في صداقات وحب وفى برده ناس مش كويسة، وأنا اتعرضت للكيد زمان في بداية حياتى وكانوا بيقولوا عليا المغتربة".
وتصور هند صبرى مشاهدها الأخيرة فى فيلم "كيرة والجن" المأخوذ عن رواية "1919"، للمؤلف أحمد مراد الذى كتب السيناريو والحوار، وإخراج مروان حامد، وبطولة كريم عبد العزيز وأحمد عز وسيد رجب، مع أحمد مالك، على قاسم، هدى المفتى، محمد عبد العظيم، عارفة عبد الرسول، تامر نبيل، بالإضافة إلى مجموعة من ضيوف الشرف.
والعمل يرصد حقبة مهمة فى تاريخ مصر أثناء ثورة 19، إذ يتناول العمل واقع المجتمع المصرى فى فترة الاحتلال الإنجليزى ابان ثورة 1919، ويكشف عن قصص حقيقية لمجموعة من أبطال المقاومة المصرية ضد الاحتلال الانجليزى وقت ثورة 1919 حتى عام 1924، وذلك من خلال أبطال منسيين خاضوا معارك وتضحيات جريئة من أجل الاستقلال، لتكتشف للأجيال الصغيرة مدى حب المصريين لبلدهم وأرضهم.
جميع الحقوق محفوظة لمصدر الخبر اليوم السابع وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري
