اخبار السياسه "فيسبوك" يقدم خدمة جديدة لحماية الحقوق الفكرية للمنشورات والصور

نشرت علا عمر من قناة "ناشيونال جيوجرافيك"، منشورًا عبر صفحتها على "فيسبوك"، توضح فيه تحديث جديد للموقع الاجتماعي الأول في العالم، حول حماية الملكية الفكرية للمنشورات الموجودة على الموقع.

وقالت علا عمر في المنشور الخاص بها: "موضوع مستفز جدًا إنك تكون كاتب بوست وواخد منك وقت وتفكير ومجهود؛ وفكرة، ويجي واحد فجأة يعجبه فاينقله وينسبه لنفسه أو لو طلع جدع معاك هايكتب منقول في آخر البوست، كأنك كائن مقتول، الناس دي من كتر ما هي باردة واعتادت النقل بتنقل البوست بالصور بالفيديوهات بالهاشتاج اللي أنت عامله، واللي يضحك أنها بتتناقش وبترد على التعليقات، وبتدافع عن سرقتها".

وأضافت: "فيس بوك في التحديثات الأخيرة الفترة اللي فاتت اشتغل على الموضوع ده ودي من أهم الحاجات اللي أسعدتني".

وأوضحت علا عمر كيف يمكن للمستخدمين حماية حقوقهم الفكرية، وإبلاغ "فيسبوك" بالمنشورات والصور الخاصة بهم التي تم سرقتها، وذلك على النحو التالي:

افتح "فيسبوك" وادخل على "مركز المساعدة" من اللينك ده

https://goo.gl/Xj3K4s

واختار

Policies and Reporting – Copyright

الجزء ده Reporting Copyright Infringement on Facebook

وتختار

How do I report copyright infringement on Facebook – FORM وبعدين copy write _ continue with your copywriting report ها تفتح معاك الصفحة

هنختار الاختيار الأخير I found content which I believe infringes my copyright

هيفتحلك نص مكتوب فيه إن حقوق النشر لازم تكون كتابات أو صور أو فيديوهات وماينفعش تقدم بلاغ عن خبر أو فكرة

وبعدين تختار Continue with my copyright report

وبعد كده هيطلب منك أربع حاجات في الصورة التانية أهم واحدة فيهم رقم 3

تالت حاجة Your copyrighted work(s)

وهنا هيطلب منك العمل الأصلي بتاعك سواء مقال أو صورة أو فيديو.. وطبعًا هيطلب منك اللينك بتاعه.. ولو ملف كبير ممكن ترفعه (ودي حاجه اختيارية)

Declaration

آخر خطوة إنك بتدي تصريح بأن كل البيانات اللي أنت مقدمها صح وبتعمل موافقة على الشروط، وبعد ده بيجيلك إيميل من "فيسبوك" برقم البلاغ علشان لو طلبوا أي بيانات تانية، ويوم بيتشال البوست المسروق من عند أي شخص نقله وبيتعمل عليه حظر نسخ.