اخبار السياسه منى البرنس عن دهس مجند لسيارة إرهابيين بالدبابة: "تسلموا من كل أذى"

علقت الدكتورة منى البرنس، أستاذ الأدب الإنجليزي بجامعة السويس، على الفيديو الذي أظهر مجندا بالقوات المسلحة يدهس سيارة لإرهابيين مليئة بالمتفجرات بدبابته، قائلة: "أنا شفت الفيديو كذا مرة والله، وجسمي بيقشعر من الفرح والفخر، مش لاقية كلام أحيي بيه المجند ولا الضابط اللي خد القرار واتصرف فورا وفرم المجرمين دول".

وأضافت خلال تدوينة على صفحتها الشخصية عبر موقع التواصل الاجتماعي "فيسبوك": "اللي مستغربة له شوية، إني مش لاقية شير كتير على صفحة الهوم، لما يحصل هجوم على كمين ويموت جنود يحصل مندبة وإدانة وإزاي سايبنهم كده، ولما يقوموا بعمل بطولي زي ده، الدنيا هادية ولا كأن فيه حاجة حصلت، ودي مش أي حاجة يعني، مش ماتش كورة ولا ديسباسيتو ولا فيديو رقص ولا صورة بمايوه".

وشددت على أن جنود مصر لا ينتظرون أي كلمة شكر، وأنهم يؤدون عملهم بدافع الواجب عن اقتناع وعن حب وعن مبدأ فداء الوطن، مضيفة: "أنا اتكلمت مع شباب منهم، من اللي بيهرج وبيضحك وبيألش برضه، بس على الحدود بيبقوا أسود فعلا وزي ما واحد منهم قال لي، (مش هقدر أوصفلك لأنك مش في مكاني)". واختتمت التدوينة بقولها: "تسلموا يا رجالة من كل أذى".